LIC Bima Sakhi Yojana पूर्ण माहिती
आज आपण पाहणार आहोत की कश्याप्रकारे महिलांना प्रत्येक महिन्याला सात हजार रुपये मिळतील याची पूर्ण पात्रता काय असेल माहिती का असेल अर्ज कसा करायचा कुठे करायचा याचीच माहिती आपण घेणार आहोत
LIC Bima Sakhi Yojana: पंतप्रधान मोदींनी अलिकडेच देशातील महिलांसाठी LIC विमा सखी योजना सुरू केली. ही योजना सुरू होऊन फक्त एक महिना झाला असून अवघ्या काही दिवसांतच ही यशस्वी ठरत आहे. सरकारच्या या योजनेला महिलांना भरभरून प्रतिसाद मिळत असून याअंतर्गत, दहावी उत्तीर्ण प्रत्येक महिलेला मासिक पगार आणि ७,००० रुपयांपर्यंत कमिशन मिळते.
एलआयसीच्या नुकत्याच लाँच करण्यात आलेल्या विमा सखी योजनेला महिलांचा भरभरून प्रतिसाद मिळत आहे. अवघ्या एक महिन्याभराआधी सुरू झालेल्या या सरकारी योजनेसाठी आतापर्यंत ५० हजार महिलांनी नोंदणी केली असून पंतप्रधान नरेंद्र मोदी यांनी ९ डिसेंबर रोजी पानिपत येथून ही योजना सुरू केली. या योजनेत दहावी उत्तीर्ण महिलांना दरमहा ७ हजार रुपयांपर्यंत पगार आणि कमिशन दिले जाईल. महिला सक्षमीकरणाद्वारे एलआयसीची ही योजना विकसित भारताच्या पुढाकाराच्या दिशेने सुरू करण्यात आली आहे
विमा सखी नेमकं काय करणार? LIC Bima Sakhi Yojana
या योजनेअंतर्गत विमा एजंट बनून महिला लोकांमध्ये सर्वांसाठी विमा अभियान पसरवून कुटुंबांना सामाजिक सुरक्षा प्रदान करतील. विमा सखी योजनेचा भाग बनून महिलांना आर्थिकदृष्ट्या स्वतंत्र होण्याची आणि स्थिर करिअर घडवण्याची संधी मिळेल. याद्वारे, महिला अतिरिक्त उत्पन्न मिळवून कुटुंबाला आर्थिक हातभार लावू शकतील असे आहे
या योजनेअंतर्गत महिलांना LIC एजंट बनण्याचे प्रशिक्षण दिले जाईल तर, या काळात दरमहा ७ हजार ते ५ हजार रुपये देखील दिले जातील. याशिवाय पॉलिसी खरेदी केल्यावर कमिशन देखील मिळेल. या योजनेअंतर्गत पहिल्या वर्षी दरमहा ७,००० रुपये, दुसऱ्या वर्षी ६,००० रुपये आणि तिसऱ्या वर्षी ५,००० रुपये दरमहा वेतन मिळेल. अशाप्रकारे, तीन वर्षांत एकूण २,१६,००० रुपये दिले जातील. लक्षात घ्या की या योजनेत तुम्हाला दरवर्षी काही विशिष्ट उद्दिष्टे साध्य केल्यांनतर स्टायपंड दिले जाणार आहे
LIC Bima Sakhi Yojana काय करावे लागणार
पहिल्या वर्षी तुम्हाला २४ लोकांचा विमा काढावा लागेल आणि पहिल्या वर्षी किमान ४८,००० रुपये कमिशन (बोनस कमिशन वगळून) मिळवावे लागेल. पहिल्या वर्षी तुम्हाला दरमहा ७,००० रुपये स्टायपेंड मिळेल.
दुसऱ्या वर्षी स्टायपेंड ६,००० रुपये असेल पण, यासाठी पहिल्या वर्षी घेतलेल्या किमान ६५% पॉलिसी दुसऱ्या वर्षाच्या शेवटपर्यंत लागू राहणे आवश्यक आहे.
तिसऱ्या वर्षी तुम्हाला ५,००० रुपये स्टायपेंड मिळेल, ज्यासाठी दुसऱ्या वर्षी घेतलेल्या किमान ६५% पॉलिसी तिसऱ्या वर्षाच्या अखेरीपर्यंत सक्रिय राहणे आवश्यक आहेत
योजनेच्या पात्रता आणि अटी काय? LIC Bima Sakhi Yojana
विमा सखी होण्यासाठी तुमचे वय १८ वर्षे किंवा त्याहून अधिक असणे आवश्यक आहे. तसेच महिलांनी दहावी उत्तीर्ण केले पाहिजे. अर्ज करण्यासाठी तुम्ही तुमच्या जवळच्या LIC शाखेला भेट देऊ शकता आणि माहिती घेऊ शकता. तुम्ही अधिकृत वेबसाइटला भेट देऊन देखील अर्ज करू शकता. या योजनेत अर्ज करण्यासाठी अनेक कागदपत्रे आवश्यक आहेत. यामध्ये दोन नवीन पासपोर्ट आकाराचे फोटो, वयाचा पुरावा, पत्त्याचा पुरावा आणि दहावी उत्तीर्ण प्रमाणपत्राची स्व-साक्षांकित प्रत जोडावी लागेल. तसेच, बँक खात्याचा तपशील सादर करावा लागतो
वरील लेखनात आपण या योजनेविषयी सर्व माहिती घेतली आहे सर्व अपडेट साठी आमचा व्हाट्सअप ग्रुप जॉईन करा.
