योजनेचा उद्देश
Student Scholarship सरकारने सामाजिक व शैक्षणिकदृष्ट्या मागास प्रवर्गातील विद्यार्थ्यांना उच्च दर्जाचे शिक्षण मिळावे यासाठी “प्रधानमंत्री यशस्वी अंतर्गत टॉप क्लास एज्युकेशन इन स्कूल फॉर ओबीसी, ईबीसी आणि डीएनटी स्टुडंट” ही योजना सुरू केली आहे. या योजनेतून पात्र विद्यार्थ्यांचा संपूर्ण शैक्षणिक खर्च शासन उचलणार आहे.
कोण घेऊ शकतो लाभ
इयत्ता ९ वी ते १२ वी पर्यंत शिकणारे ओबीसी, ईबीसी आणि डीएनटी प्रवर्गातील गुणवंत विद्यार्थी या योजनेसाठी पात्र ठरू शकतात. कुटुंबाचे वार्षिक उत्पन्न कमाल ₹२.५० लाख असावे. निवड मेरिट यादीनुसार होणार असून किमान ३०% जागा मुलींसाठी राखीव आहेत.
मदतीचे स्वरूप
- इयत्ता ९ वी व १० वी – प्रत्येक विद्यार्थ्याला साधारण ₹७५,००० (शाळेचे शुल्क, वसतिगृह, परीक्षा शुल्क, गणवेश व पुस्तके इ.)
- इयत्ता ११ वी व १२ वी – प्रत्येक विद्यार्थ्याला साधारण ₹२.२५ लाख (वसतिगृह, प्रयोगशाळा, कॉम्प्युटर व कोचिंग फी इ.)
ही मदत थेट विद्यार्थ्यांच्या बँक खात्यात डीबीटीद्वारे जमा केली जाणार आहे.
अर्ज प्रक्रिया
राष्ट्रीय शिष्यवृत्ती पोर्टलवर ऑनलाईन अर्ज करावा लागेल. शाळेचे नोडल अधिकारी अर्जाची पडताळणी करतील. त्यानंतर राज्य सरकारकडून अंतिम मंजूरी मिळाल्यावर विद्यार्थ्यांच्या खात्यात थेट रक्कम जमा होईल.
अटी व निरीक्षण
- विद्यार्थ्याची नियमित उपस्थिती आणि समाधानकारक शैक्षणिक प्रगती आवश्यक
- आधारशी लिंक असलेली उपस्थिती प्रणाली बंधनकारक
- इतर शासकीय योजनांचा दुहेरी लाभ घेता येणार नाही
योजनेचे महत्त्व
ही योजना केवळ शैक्षणिक खर्च भागवण्यापुरती नाही, तर ग्रामीण आणि अल्पभूधारक कुटुंबातील विद्यार्थ्यांना मोठी संधी देते. गुणवंत विद्यार्थ्यांना प्रतिष्ठित शाळांमध्ये मोफत शिक्षण घेता येईल आणि त्यांचा शैक्षणिक दर्जा व आत्मविश्वास वाढेल.
संपर्क
ढील प्रमाणे अर्ज प्रक्रीया असेल. राष्ट्रीय शिष्यवृत्ती पोर्टलवर ऑनलाईन अर्ज करणे, शाळा नोडल अधिकारी ऑनलाईन पडताळणी करेल, राज्य सरकारकडून अंतिम मंजूरी, मुलगे व मुलींसाठी स्वतंत्र मेरिट यादी तयार, शिष्यवृत्तीची रक्कम डीबीटी (Direct Benefit Transfer) द्वारे थेट विद्यार्थ्याच्या खात्यात जमा केले जाईल. त्यात काही अटी व निरीक्षण आहेत. आधार लिंक केलेली उपस्थिती प्रणाली आवश्यक, नियमित उपस्थिती व समाधानकारक शैक्षणिक प्रगती आवश्यक, इतर शासकीय योजनेंतर्गत एकाच उद्देशासाठी दुहेरी लाभ घेता येणार नाही. अधिक माहितीसाठी सहाय्यक संचालक, इतर मागास बहुजन कल्याण, रत्नागिरी यांचे कार्यालय, डॉ. बाबासाहेब आंबेडकर सामाजिक न्याय भवन, कुवारबाव, रत्नागिरी 415639 येथे संपर्क साधावा असे आवाहन करण्यात येत आहे.
अधिक माहितीसाठी संबंधित जिल्ह्यातील इतर मागास बहुजन कल्याण विभागाच्या कार्यालयाशी किंवा राष्ट्रीय शिष्यवृत्ती पोर्टलवर संपर्क साधावा.
डिस्क्लेमर
वरील माहिती उपलब्ध वृत्त व अधिकृत स्त्रोतांवर आधारित आहे. पात्रता, अर्ज प्रक्रिया किंवा लाभांमध्ये वेळोवेळी बदल होऊ शकतात. ताजी व अचूक माहिती मिळवण्यासाठी अधिकृत संकेतस्थळ किंवा विभागाच्या कार्यालयाशी संपर्क साधावा.
