Mudra loan apply देशातील छोटे व्यावसायिक, दुकानदार आणि नवउद्योजकांना आर्थिक बळ देण्यासाठी केंद्र सरकारने २०१५ मध्ये सुरू केलेली ‘प्रधानमंत्री मुद्रा योजना’ आता अधिक सक्षम आणि व्यापक झाली आहे. ‘स्वयंरोजगारातून राष्ट्रविकास’ हे ध्येय डोळ्यासमोर ठेवून सूक्ष्म, लघु आणि मध्यम उद्योग मंत्रालयामार्फत ही योजना राबवली जाते. २०२४-२५ च्या अर्थसंकल्पानंतर या योजनेत महत्त्वाचा बदल करण्यात आला असून कर्जाची मर्यादा १० लाखांवरून थेट २० लाख रुपयांपर्यंत वाढवण्यात आली आहे. त्यामुळे नवउद्योजकांसाठी मोठी संधी उपलब्ध झाली आहे.
मुद्रा योजनेची पार्श्वभूमी
प्रधानमंत्री मुद्रा योजना ही विशेषतः लघु आणि सूक्ष्म उद्योगांना चालना देण्यासाठी सुरू करण्यात आली आहे. पारंपरिक बँकिंग व्यवस्थेत कर्ज मिळवताना येणाऱ्या अडचणी दूर करून, लहान उद्योजकांना सहजपणे भांडवल उपलब्ध करून देणे हा या योजनेचा मुख्य उद्देश आहे.
कर्जाच्या चार प्रमुख श्रेणी
उद्योजकांच्या गरजेनुसार या योजनेचे चार प्रकारांमध्ये वर्गीकरण करण्यात आले आहे, ज्यामुळे प्रत्येक टप्प्यावर व्यवसायाला आर्थिक मदत मिळू शकते
शिशु कर्ज – नवीन व्यवसाय सुरू करणाऱ्यांसाठी ५०,००० रुपयांपर्यंत कर्ज.
किशोर कर्ज – ५०,००० ते ५ लाख रुपयांपर्यंत कर्ज.
तरुण कर्ज – ५ लाख ते १० लाख रुपयांपर्यंत कर्ज.
तरुण प्लस – १० लाख ते २० लाख रुपयांपर्यंत कर्ज, जे व्यवसाय विस्तारासाठी उपयुक्त आहे.
विविध क्षेत्रांसाठी उपलब्ध कर्ज
मुद्रा कर्ज केवळ उत्पादन क्षेत्रापुरते मर्यादित नसून अनेक व्यवसायांसाठी उपलब्ध आहे. त्यामुळे विविध प्रकारच्या उद्योजकांना याचा लाभ घेता येतो.
उत्पादन क्षेत्र – छोटे कारखाने, वर्कशॉप
अन्न प्रक्रिया उद्योग – लोणचे, पापड, मसाले तयार करणारे उद्योग
किरकोळ विक्री – छोटे दुकानदार, फळ-भाजी विक्रेते
वाहतूक व लॉजिस्टिक – टेम्पो, रिक्षा, मालवाहू वाहने
सेवा क्षेत्र – सलून, टेलरिंग, रिपेअरिंग शॉप
विनागॅरंटी कर्जाची सुविधा
मुद्रा योजनेचे सर्वात मोठे वैशिष्ट्य म्हणजे कर्जासाठी कोणतीही मालमत्ता गहाण ठेवण्याची गरज नसते. त्यामुळे आर्थिकदृष्ट्या दुर्बल घटकांनाही सहज कर्ज मिळू शकते.
कमी कागदपत्रे – इतर कर्जांच्या तुलनेत कागदपत्रांची आवश्यकता कमी
झिरो प्रोसेसिंग फी – ‘शिशु’ कर्जासाठी सहसा कोणतेही शुल्क आकारले जात नाही
सुलभ व्याजदर – साधारण ९% ते १२% दरम्यान व्याजदर
परतफेडीची सोय – ५ वर्षांपर्यंतचा कालावधी उपलब्ध
ऑनलाईन अर्ज कसा करावा?
अधिकृत पोर्टलवर जाऊन ‘Apply for Mudra Loan’ पर्याय निवडा. आधार कार्ड, पॅन कार्ड, बँक तपशील, फोटो आणि व्यवसाय आराखडा अपलोड करा. ई-केवाईसीद्वारे पडताळणी पूर्ण करा
अशा प्रकारे आपण पाहिले की आपल्या ला 20लाख रुपये कसे मिळणार याची माहिती घेतली आहे.