शिष्यवृत्तीची ओळख
Mahindra Scholership महिंद्रा ऑल इंडिया टॅलेंट शिष्यवृत्ती के. सी. महिंद्रा एज्युकेशन ट्रस्टने १९९५ मध्ये महिंद्रा ऑल इंडिया टॅलेंट शिष्यवृत्ती सुरू केली. ही योजना ग्रामीण आणि शहरी भागातील आर्थिकदृष्ट्या दुर्बल विद्यार्थ्यांना नोकरीकेंद्रित डिप्लोमा कोर्ससाठी मदत करण्यासाठी आहे. आतापर्यंत १२,९४० विद्यार्थ्यांना या शिष्यवृत्तीचा लाभ मिळाला आहे.
शिष्यवृत्तीचे फायदे
या योजनेत पात्र विद्यार्थ्यांना दरवर्षी १०,००० रुपयांची आर्थिक मदत दिली जाते. ही शिष्यवृत्ती कमाल तीन वर्षांसाठी मिळू शकते. दरवर्षी सुमारे ५५० विद्यार्थ्यांना ही शिष्यवृत्ती दिली जाते.
पात्रता निकष
अर्जदाराने एसएससी/एचएससी (१०वी/१२वी) किंवा त्यासमान परीक्षा किमान ६०% गुणांसह उत्तीर्ण असावी.
अर्जदाराने मान्यताप्राप्त पॉलिटेक्निक संस्थेत डिप्लोमा कोर्ससाठी प्रवेश घेतलेला असावा.
फक्त पहिल्या वर्षातील विद्यार्थ्यांनाच अर्ज करण्याची संधी आहे.
अर्जदार कुटुंब आर्थिकदृष्ट्या दुर्बल असणे आवश्यक आहे.
मुलींसाठी, शारीरिकदृष्ट्या दिव्यांग विद्यार्थ्यांसाठी तसेच सशस्त्र दलातील किंवा सीएपीएफ कर्मचार्यांच्या मुलांसाठी प्राधान्य दिले जाते.
आवश्यक कागदपत्रे
अर्ज करताना अधिकृत यादीप्रमाणे आवश्यक कागदपत्रांची स्कॅन केलेली प्रत अपलोड करावी लागते. स्वतःच्या सहीची आवश्यकता नाही, मूळ कागदपत्रांची स्कॅन प्रत चालते. कागदपत्रांची संपूर्ण यादी संस्थेच्या अधिकृत संकेतस्थळावर उपलब्ध आहे.
निवड प्रक्रिया
संपूर्ण अर्ज ऑनलाइन भरावा लागतो. अर्ज करताना आवश्यक कागदपत्रे अपलोड करणे बंधनकारक आहे. वर दिलेल्या प्राधान्य निकषांनुसार निवड केली जाते.
अर्ज करण्यासाठी दुवा
http://maitsscholarship.kcmet.org
संपर्क तपशील
ई-मेल: maits@mahindra.com