Railway Jobs भारतीय रेल्वेत क्रीडा कोट्याअंतर्गत उमेदवारांसाठी मोठी संधी उपलब्ध झाली आहे. दक्षिण रेल्वेने विविध क्रीडा प्रकारांमधील गुणवंत खेळाडूंसाठी रिक्त पदांची अधिसूचना जारी केली आहे. या भरतीसाठी १३ सप्टेंबर २०२५ पासून अर्ज सुरू झाले असून १२ ऑक्टोबर २०२५ ही शेवटची तारीख आहे. महत्त्वाचे म्हणजे, या भरतीसाठी कोणतीही लेखी परीक्षा होणार नाही. निवड केवळ क्रीडा चाचणी, कागदपत्रांची पडताळणी आणि वैद्यकीय तपासणीवर आधारित असेल.
कोणत्या खेळांमध्ये संधी
ही भरती अशा खेळाडूंसाठी आहे ज्यांनी राष्ट्रीय किंवा आंतरराष्ट्रीय पातळीवर उल्लेखनीय कामगिरी केली आहे. ॲथलेटिक्स, बॉडी बिल्डिंग, बॉक्सिंग, क्रिकेट, फुटबॉल, व्हॉलीबॉल, पोहणे, टेबल टेनिस, वेटलिफ्टिंग यांसारख्या खेळांसाठी ही रिक्त पदे जाहीर करण्यात आली आहेत. राज्य किंवा राष्ट्रीय पातळीवर पदक मिळवलेले किंवा सहभाग घेतलेले उमेदवारही अर्ज करू शकतात.
शैक्षणिक पात्रता व वयोमर्यादा
लेव्हल 1 पदांसाठी १०वी किंवा आयटीआय उत्तीर्ण असणे आवश्यक आहे.
लेव्हल 2/3 साठी १२वी उत्तीर्ण किंवा समकक्ष पात्रता आवश्यक.
लेव्हल 4/5 साठी पदवीधर असणे आवश्यक आहे.
वयाची किमान मर्यादा १८ वर्षे असून जास्तीत जास्त २५ वर्षे आहे.
पगार व भत्ते
या भरतीत निवड झालेल्या उमेदवारांना दरमहा १८,००० ते २९,२०० रुपयांपर्यंत पगार मिळू शकतो. त्यासोबत डीए, एचआरए, वैद्यकीय सुविधा व निवृत्तीवेतन यांसारखे विविध लाभही मिळतात.
अर्ज शुल्क
अनुसूचित जाती/जमाती, महिला, माजी सैनिक आणि दिव्यांग उमेदवारांना शुल्क फक्त २५० रुपये आहे. इतर सर्वांसाठी शुल्क ५०० रुपये आहे. पात्र उमेदवारांची निवड झाल्यास काही प्रमाणात शुल्क परत मिळू शकते.
निवड प्रक्रिया
या भरतीत कोणतीही लेखी परीक्षा नाही. निवड प्रक्रिया पुढीलप्रमाणे आहे:
- क्रीडा चाचणी (राष्ट्रीय/आंतरराष्ट्रीय अनुभव व कामगिरीचे मूल्यमापन)
- कागदपत्रांची पडताळणी
- वैद्यकीय तपासणी
अर्ज कसा करावा
दक्षिण रेल्वेच्या rrcmas.in या अधिकृत संकेतस्थळावर जाऊन Online Registration For Sports Quota 2025-26 या लिंकवर क्लिक करावे.
रजिस्ट्रेशन करून लॉगिन करावे आणि शैक्षणिक तपशील तसेच क्रीडा कामगिरीची माहिती द्यावी.
नवीन फोटो व स्वाक्षरी अपलोड करून शुल्क भरावे आणि अंतिम फॉर्म सबमिट करावा.
महत्त्वाची सूचना
वरील माहिती ही अधिकृत जाहिरातीवर आधारित आहे. वेळोवेळी नियम, पात्रता व तारखा बदलू शकतात. अर्ज करण्यापूर्वी अधिकृत संकेतस्थळावर अद्ययावत माहिती तपासणे आवश्यक आहे.
