Gold rate today गेल्या पंधरवड्यापासून विक्रमी तेजीचा झेंडा फडकावत असलेल्या सोने आणि चांदीच्या दरांना अवघ्या दोन दिवसांत जोरदार धक्का बसला आहे. दोन दिवसांतच सोन्याच्या दरात (Gold Price) तब्बल 20 हजार रुपयांची, तर चांदीच्या दरात (Silver Price) थेट 1 लाख रुपयांची घसरण झाल्याने बाजारात खळबळ उडाली असून, गुंतवणूकदारांचे धाबे दणाणले आहेत. काही दिवसांपूर्वी सोने पावणे दोन लाखांच्या आसपास, तर चांदी चार लाखांच्या ऐतिहासिक पातळीवर पोहोचली होती. मात्र, हीच तेजी आता तितक्याच वेगाने ओसरताना दिसत आहे.
फ बाजारात गेल्या दोन दिवसांत सोन्याच्या दरात सुमारे 20 हजार रुपयांची घसरण झाली आहे. दोन दिवसांपूर्वी 1 लाख 80 हजार रुपयांवर पोहोचलेले सोने, आज 1 लाख 60 हजार रुपयांपर्यंत खाली आले आहे. त्याचप्रमाणे, चांदीच्या दरातही अभूतपूर्व घसरण नोंदवली गेली आहे. चार लाख रुपयांच्या आसपास गेलेली चांदी, अवघ्या दोन दिवसांत थेट तीन लाख रुपयांवर घसरली आहे. इतक्या मोठ्या प्रमाणात घसरण पहिल्यांदाच झाल्याने सुवर्ण व्यवसायिक आणि गुंतवणूकदार दोघेही संभ्रमात सापडले आहेत.
राष्ट्रीय पातळीवरही सोने-चांदीच्या दरात मोठी घसरण नोंदवली गेली. नवी दिल्लीत आज 99.9 टक्के शुद्धतेच्या सोन्याचा भाव एका दिवसात 14 हजार रुपयांनी (7.65 टक्के) घसरून प्रति 10 ग्रॅम 1 लाख 69 हजार रुपयांवर आला आहे. गुरुवारी (दि. 29) सोन्याचा दर 12 हजार रुपयांनी वाढून 1 लाख 83 हजार रुपयांच्या विक्रमी उच्चांकावर पोहोचला होता. तसेच, चांदीच्याही दरात घसरण झाली असून, प्रति किलो चांदीचा भाव 20 हजार रुपयांनी म्हणजेच जवळपास 5 टक्क्यांनी कमी होऊन 3 लाख 84 हजार 500 रुपयांवर आला आहे. गुरुवारी चांदीचा दर 4 लाख 4 हजार 500 रुपयांच्या उच्चांकावर पोहोचला होता.
Gold Silver Price Today: आंतरराष्ट्रीय बाजारातही घसरण
आंतरराष्ट्रीय बाजारातही मौल्यवान धातूंवर दबाव दिसून येत आहे. स्पॉट सोने 5.31 टक्क्यांनी (285.30 डॉलर) घसरून 5,087.73 डॉलर प्रति औंसवर व्यवहार करत होते. स्पॉट चांदी 12.09 टक्क्यांनी घसरून 101.47 डॉलर प्रति औंसवर आली. इंट्राडे व्यवहारात चांदी तब्बल 17.5 टक्क्यांपर्यंत घसरून 95.26 डॉलर प्रति औंसपर्यंत गेली होती. गुरुवारी आंतरराष्ट्रीय बाजारात सोन्याने 5,595.02 डॉलर, तर चांदीने 121.45 डॉलर प्रति औंसचा नवा विक्रम नोंदवला होता.
सोनं–चांदीचे दर कसे ठरवले जातात?
सोनं आणि चांदी हे शेअर मार्केटसारखेच कमोडिटी (Commodity) आहेत. त्यामुळे त्यांचे दर मागणी (Demand) आणि पुरवठा (Supply) यावर अवलंबून असतात.
आंतरराष्ट्रीय बाजाराचा प्रभाव
भारतामध्ये दर ठरवताना सर्वात मोठा प्रभाव असतो तो आंतरराष्ट्रीय बाजाराचा (Global Market).
लंडन, न्यूयॉर्क यांसारख्या बाजारात जे दर ठरतात, त्यावरूनच भारतात बेस प्राइस ठरतो.
जर तिकडे भाव वाढले, तर भारतातही वाढतात.
डॉलरचा दर (Dollar vs Rupee)
सोनं–चांदी आयात करताना पैसे डॉलरमध्ये द्यावे लागतात.
जर रुपया कमजोर झाला तर:
- आयात महाग
- सोनं–चांदी महाग
रुपया मजबूत असेल तर भाव कमी होऊ शकतात.
मागणी आणि सणासुदीचा परिणाम
भारतात लग्नसमारंभ, दिवाळी, अक्षय तृतीया अशा काळात सोन्याची मागणी खूप वाढते.
मागणी जास्त = भाव वाढतात
मागणी कमी = भाव कमी होतात
सरकारी कर आणि आयात शुल्क
सरकार सोन्यावर इम्पोर्ट ड्युटी, GST, इतर कर लावते.
कर वाढले की थेट दर वाढतात.
उदा. आयात शुल्क वाढवलं तर सोनं लगेच महाग होतं.
गुंतवणूकदारांचा प्रभाव
मोठे गुंतवणूकदार, बँका, ETF, फंड्स मोठ्या प्रमाणात सोनं खरेदी-विक्री करतात.
जर लोक सुरक्षित गुंतवणूक म्हणून सोन्याकडे वळले (उदा. मंदी, युद्ध, महागाईच्या काळात), तर भाव वाढतात.
स्थानिक सराफा बाजार
शेवटी तुमच्या शहरातील ज्वेलर्स:
- मेकिंग चार्ज
- ट्रान्सपोर्ट खर्च
- स्थानिक मागणी
यामुळे अंतिम रिटेल किंमत थोडी वेगळी असू शकते.
थोडक्यात लक्षात ठेवा
सोनं–चांदीचे दर = आंतरराष्ट्रीय बाजार + डॉलर दर + मागणी/पुरवठा + कर + स्थानिक खर्च
म्हणजेच रोज सकाळी दिसणारा भाव हा अनेक गोष्टींच्या एकत्रित परिणामाचा असतो.